Profil rasmini yaratish vositasi, butun chatlarni tarjima qilish, emoji turkumlari va boshqalar

Asl eʼlonni ingliz tilida oʻqish

Telegramning ushbu yildagi birinchi yangilanishida qizib olish mashqlari sifatida 10 ta asosiy funksiya taqdim etiladi.

Profil rasmini yaratish vositasi

Siz istalgan stiker yoki animatsiyali emojini hisoblar, guruhlar yoki kanallaringiz uchun profil rasmiga tezda aylantirishingiz mumkin. Istalgan foydalanuvchi hatto Telegram Premiumga ega boʻlmasa ham ushbu rasmlar uchun animatsiyali va maxsus emojilardan foydalanishi mumkin.

Telegramda kontaktlaringizni tahrirlayotganingizda ular uchun profil rasmlarini belgilash yoki taklif qilishingiz mumkin.

Butun chatlarni tarjima qilish

Premium foydalanuvchilar endi yuqoridagi Tarjima paneli yordamida butun chatlar, guruhlar va kanallarni tarjima qilishi mumkin. Parametrlar menyusi sizga panelni berkitish va qaysi tillar tarjima qilinishini boshqarish imkonini beradi.

Barcha foydalanuvchilar alohida xabarlarni tanlash va “Tarjima qilish” tugmasini bosish orqali tarjima qilishi mumkin.

Emoji turkumlari

Stiker va emojilar endi panelda va reaksiyalar yoki statuslarni tanlayotganda yoki kabi turkumlar asosida saralanadi. Emojini yuborishdan oldin ustiga bosib turish uni toʻliq hajmda koʻrish imkonini beradi.

Telegram foydalanuvchilari milliondan ortiq turli stiker va emojilarni yuborishi mumkin, lekin bu mos keladiganini tanlash qiyin boʻlishi kerakligini anglatmaydi.

Tarmoqdan foydalanish

Wi-Fi va mobil internet uchun batafsil doiraviy diagrammalar bilan Telegram qancha trafik ishlatganini koʻrishingiz va trafik rejangizga mos kelishi uchun avtomatik yuklab olish sozlamalaringizni oʻzgartirishingiz mumkin.

Oʻtgan oyda Xotiradan foydalanish oʻxshash tarzda yangilangan edi. Endi yana qayerga rangli doiraviy diagrammalarni qoʻshish mumkinligini qidiryapmiz.

Kiruvchi mediani avtomatik saqlash

Sozlamalarda qurilma galereyasiga avtomatik ravishda saqlanadigan chat turlarini tanlash, shuningdek, saqlanadigan media fayllar hajmi va turini belgilash mumkin. Bundan tashqari, faqat kerakli rasm va videolar saqlanishi uchun alohida chatlar uchun istisno qoʻshishingiz mumkin.

Telegram bilan hammasini qurilmangizga saqlashingiz shart emas. Media va hujjatlar qurilmangiz xotirasidan olib tashlanishi va istalgan paytda Telegram bulutingizdan qayta yuklab olinishi mumkin.

Media yuborish ruxsatlari

Adminlar guruh aʼzolari rasmlar, videolar, ovozli yoki video xabarlar kabi 9 ta turli media turini yuborishga ruxsat berish yoki bermaslikni tanlashi mumkin. Faqat media yuboriladigan guruhlarni yaratish uchun matnli xabarlarni faolsizlantirish imkoni ham paydo boʻldi.

Endi faqat ovozli xabarlar yoki testlarni yuborishga ruxsat berilgan hamjamiyat yaratish mumkin.

Yillik Premium obunasi

Telegram Premiumning bir yillik obunasiga toʻlov qilishingiz va 40% chegirma bilan ekskluziv funksiyalardan foydalanishingiz mumkin.

Endi oldinda yillik Telegram Premium obunasi boʻlganidan keyin nima uchun doʻstlarga nega bir necha oylik obunani hadya qilmaslik kerak?

Botlar uchun chatlarni tanlash

Bot dasturchilari foydalanuvchilarga oldindan belgilangan mezonlarga mos keladigan guruh, kanal yoki odamlarni tanlashga yordam beradigan maxsus tugmalarni qoʻshishi mumkin.

Masalan, undan botni foydalanuvchi admin boʻlgan va mavzular yoqilgan guruhga tezda qoʻshish uchun foydalanish mumkin.

Bot dasturchilari qoʻllanmada va @BotNews kanalida batafsil axborot olishi mumkin.

Apple va Google ID bilan qayta hisobga kirish

Hisobidan chiqqan foydalanuvchilar Apple yoki Google ID yordamida SMS kodni kiritmasdan tezda qayta kirishi mumkin. Agar 2 bosqichli tekshiruv parolini sozlagan boʻlsangiz, uni kiritishingiz kerak boʻladi.

Yangi maxsus emojilar

Hech bir yangilanish Telegram rassomlaridan maxsus emojilarning 10 ta yangi toʻplamisiz toʻliq emas. Bu safar guruh va profil rasmlari uchun maxsus ishlangan bir necha yuzlab belgilarni kiritdik.

Emojilar panelining yuqori qismidagi yangi trenddagilar bo‘limi orqali ushbu to‘plamlardan biri bilan tanishish va qo‘shishingiz mumkin.

Yangi interaktiv emojilar

Animatorlarimiz emojilarining yangi interaktiv versiyalarini qoʻshdi. Ulardan istalgan birini yakkama-yakka chatlarda yuboring, keyin siz va suhbatdoshingiz uchun butun ekran effektini ishga tushirish uchun ustiga bosing. Barcha ushbu emojilardan reaksiyalar sifatida foydalanishi ham mumkin.